കവിത

       കണ്ണ് 

അപകടത്തിനു ശേഷം 

വഴിയോരത്ത് 

പൊടി പിടിച്ചു, ഇമ പൂട്ടാതെ 

ഒരു കണ്ണ് കിടപ്പുണ്ടായിരുന്നു,

ജീവന്‍ തുടിയ്ക്കുന്നത്‌ .

മണം പിടിച്ച്

ഉറുമ്പ് വരി വെയ്ക്കാന്‍

തുടങ്ങിയപ്പോള്‍ 

കാഴ്ച്ചത്തരിപ്പില്‍ നിന്നടര്‍ന്നൊരാള്‍

ചെമ്പിലയാലാക്കണ്ണ് മെല്ലെക്കോരി 

നടപ്പാണാ തെരുവില്‍ 

നേരവകാശിയെത്തേടി 

ഉണ്ണാതെ, ഉറങ്ങാതെ, അവകാശ വാദങ്ങളില്ലാതെ 

ഭ്രാന്തനെന്നു, നാട്ടുകാര്‍ .